Эмануіл Зэльцэр
15.11.2008 14:40
Амэрыканскага грамадзяніна Эмануіла Зэльцэра прывезьлі ў Магілёўскую калёнію № 15 і адразу паклалі ў шпіталь пры калёніі. Пра гэта паведаміў адвакат Зьміцер Гарачка.
, якога асудзілі на 3 гады зьняволеньня за камэрцыйны шпіянаж, ужо знаходзіцца ў 15-й магілёўскай калёніі. Аднак вязьня зьмясьцілі не ў звычайны атрад у карантыне, а паклалі ў шпіталь з прычыны дрэннага стану здароўя. Пра гэта паведаміў адвакат , які наведаў Зэльцэра ў шпіталі і цягам паўгадзіны меў зь ім размову. Вось што Зьміцер Гарачка апавёў Свабодзе.
“Пакуль везьлі зь Менску, у яго падскочыў ціск, яму ставілі капельніцу. Дрэнна сябе адчувае, ляжыць ў стацыянары. Як убачылі ў Магілёве, што яму дрэнна, адразу паклалі ў стацыянар.
Лекі яму пакуль ніякія не даюць, бо зь ім нічога не было. Дамовіліся, што ён складзе сьпіс неабходных лекаў, і ў панядзелак я пад’еду й паспрабую іх перадаць”.
Пра перавозку зь Менску ў Магілёў Эмануіл Зэльцэр сказаў свайму адвакату коратка: “Было вельмі цяжка”.
Якія ўмовы чакаюць Эмануіла Зэльцэра ў калёніі № 15? Паводле зьвестак, гэта калёнія прызначаная як для рэцыдывістаў, так і да тых, каго называюць “першаходкамі”. З большага ў калёніі нядрэнная рэпутацыя, кажа былы палітвязень .
“Там вытворчасьць нядрэнна разьвіта, яны самі пякуць хлеб. Праўда, дрэннай якасьці, цяжкі, у ім зашмат вільгаці. А так адна зь неблагіх калёній”.
Паводле Змітра Гарачкі ягоны падабаронны дагэтуль верыць, што ўвесь тэрмін яму адбываць у магілёўскай калёніі не давядзецца.
“Паколькі ён не рабіў злачынства, то спадзяецца, што яго выпусьцяць. Іншага, на ягоную думку, ня можа быць. А ўжо у якім выглядзе будзе гэтае вызваленьне, ён кажа, ня мае розьніцы. На маю думку, апраўданьне малаверагодна, можна спадзявацца на памілаваньне”.
Сёньня, 15-га лістапада, зь менскага сьледчага ізалятару павязуць у калёнію сакратарку Зэльцэра (Брузкову), якая была асуджаная на год зьняволеньня. Ёй давядзецца сядзець ў 4-й жаночай калёніі ў Гомелі.
Нагадаем, Зэльцэра й Функ арыштавалі ў менскім аэрапорце 2-га сакавіка па прылёце зь Лёндана. Ёсьць зьвесткі, што да гэтага прычыніўся расейскі алігарх-уцякач , які прэтэндуе на частку спадчыны памерлага грузынскага алігарха . Вядома, што адзін час ягоным адвакатам быў Эмануіл Зэльцэр.
Урад ЗША некалькі разоў марна дамагаўся вызваленьня Эмануіла Зэльцэра паводле гуманітарных меркаваньняў.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
