аўтар Радыё Свабода
18 лютага ў Магілёве загінуў журналіст, які супрацоўнічаў зь беларускімі незалежнымі мэдыямі — Вадзім Аршынскі. На яго абваліўся казырок над пад’ездам дома (), дзе ён жыў. Казырок абваліўся пад цяжарам будаўнічага друзу й сьнежнай наледзі.
Сёньня афіцыйныя крыніцы паведамілі, што камісія Магілёўскага гарвыканкаму, створаная па факце здарэньня, вынесла вымову кіраўніку Ленінскага райвыканкаму
Ўладзімеру Цумараву і першаму яго намесьніку, а таксама генэральнаму дырэктару гарадзкога камунальнага прадпрыемства. Звольненыя з працы двое супрацоўнікаў жыльлёва-камунальнай управы № 1, у тым ліку й яе кіраўнік. Пастанову камісіі падпісаў старшыня гарвыканкаму
Станіслаў Барадаўка.
Афіцыйныя крыніцы таксама адзначаюць, што сваёй пастановы ня вынесла яшчэ пракуратура.
Вадзіма Аршынскага пахавалі 20 лютага. Яму было пяцьдзясят гадоў. Засталіся жонка й двое сыноў. На пахаваньне прыйшлі журналісты гарадзкіх сродкаў масавай інфармацыі — як недзяржаўных, так і дзяржаўных.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
