Пасьля адбыцьця 15 сутак арышту выйшаў на волю журналіст НН Сямён Печанко.
Нагадаем, што Сямён Печанко быў затрыманы 25 сакавіка, калі выконваў свае прафэсійныя абавязкі: асьвятляў для сайту падзеі Дня Волі.
На наступны дзень судом Маскоўскага раёну сталіцы (судзьдзя -- Тамара Ўнукевіч) Сямён Печанко быў асуджаны на 15 сутак адміністрацынага арышту.
Журналісту паставілі ў віну тое (паказаньні г.зв. "сьведкаў"), што падчас затрыманьня Сямён Печанко крычаў "Ганьба" і "Жыве Беларусь". Адзін зь міліцыянтаў-сьведкаў таксама сказаў, што ў журналіста з сабой быў сьцяг.
У журналіста быў на грудзях выяўны бэдж, ён ня меў з сабой сьцяга і выконваў прафэсійныя абавязкі.
Глядзі яшчэ:
Навіна прадстаўленая
інфармацыйна-прававым парталам "За Свабоду".net паводле: Наша Ніва.
Дадаць каментар
