аўтар Уладзімер Глод
Супраць старшыні Аб’яднанай грамадзянскай партыі Анатоля Лябедзькі ня будзе ўзбуджаная крымінальная справа ў рамках так званай “валожынскай справы”.
Гэта рашэньне зафіксаванае ў пастанове, якую падпісаў старшы сьледчы па найважнейшых справах пракуратуры Менскай вобласьці спадар
Азарэвіч.
Аднак апазыцыйны палітык па-ранейшаму абвінавачваецца паводле двух артыкулаў Адміністратыўнага кодэксу — хуліганства і непадпарадкоўваньне законнаму распараджэньню службовай асобы.
15 лютага ў Валожыне адбылося судовае паседжаньне, на якім разглядалася справа актывістаў Саюзу палякаў Беларусі, які ачольвае
Анжаліка Борыс. На гэтае паседжаньне спрабаваў патрапіць і
Анатоль Лябедзька. Аднак мясцовая міліцыя не прапусьціла яго ў залю. Тады апазыцыйны палітык паспрабаваў зрабіць здымкі на свой мабільны тэлефон.
Міліцыянты затрымалі апазыцыйнага палітыка і даставілі ў РАУС, дзе пратрымалі дзевяць гадзін. Там і склалі два пратаколы аб адміністратыўных парушэньнях.
Цяпер Анатоль
Лябедзька чакае, чым скончыцца справа аб адміністратыўных правапарушэньнях. У размове са “Свабодай” палітык заявіў: “Абодва пратаколы —гэта ілжывая фальсыфікацыя”.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
