аўтар Радыё Свабода
Бліц-агляд падзеяў і тэмаў у Беларусі, сьвеце, гісторыі.НЯ ТАК ГОРАЧА...
...але усё ж: 25 – 30 °С.
НЕ ПРАХОДЗЬЦЕ МІМА:
У Празе адбудзецца Вечарына маладой беларускай літаратуры, прысьвечаная 100-годзьдзю Ларысы Геніюш. Рэстаран Krasnй ztrбty, 19.00.
ТАМ, ДЗЕ НАС НЯМА:
У Жэнэве пачынаецца міжнародная канфэрэнцыя па разбраеньні.
ТАКСАМА Ў ГЭТЫ ДЗЕНЬ:
Спаўняецца 100 гадоў слыннай беларускай паэтцы Ларысе Геніюш, якой выпаў пакутніцкі лёс.
9 жніўня ў розныя гады прыйшлі на сьвет нямецкі філёляг і папулярызатар беларушчыны ў Нямеччыне Рудольф Абіхт, які перакладаў па-нямецку вершы Купалы і Коласа; беларускі гісторык і літаратар Янка Запруднік, які жыве і працуе ў ЗША.
9 жніўня 1917 году выйшаў у сьвет першы нумар бальшавіцкай газэты “Звязда”. Сёньня “Звязда” зьяўляецца органам прэзыдэнта РБ і выходзіць па-беларуску, а тады, на пачатку свайго існаваньня, гэта было цалкам расейскамоўнае выданьне.
9 жніўня 1945 году, праз тры дні пасьля атамнага бамбардаваньня Хірасімы, амэрыканцы скінулі другую атамную бомбу на японскі горад Нагасакі. Там было забіта і паранена каля 75 тысяч жыхароў. На плошчы 12 тысяч квадратных кілямэтраў былі цалкам разбураныя ўсе збудаваньні.
ЁСЬЦЬ НАГОДА:
Міжнародны дзень карэнных народаў.
МІНУС 365:
Год таму на сайце “Свабоды”:
ЦЫТАТА НА ПАМЯЦЬ:
Воля — ня тое, што рукі разьвяжуць,
зьменяць на большую клетку малую.
Воля — ня тое, што вольны ты, скажуць.
Воля — то воля, якую адчую...
Ларыса Геніюш
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
