Сёньня (а па менскім часе заўтра ўначы) адбудзецца ўручэньне прэміяў Амэрыканскай кінаакадэміі "Оскар". Слоган 82-ой цырымоніі: "Вы ніколі ня бачылі" Оскар "такім".
У цырымоніі ўручэньня прэміяў бярэ ўдзел актор Рэспубліканскага тэатра беларускай драматургіі
Ігар Сігоў - выканаўца галоўнай ролі ў ірляндзкім фільме "Дзьверы" ("The Door"). Стужка рэжысэркі Хуаніты Ўільсан паводле "Чарнобыльскай малітвы"
Сьвятланы Алексіевіч намінаваная на Оскара ў катэгорыі "лепшы кароткамэтражны фільм".
Для беларускіх гледачоў сёлетняе ўручэньне прэміяў адметнае таксама тым, што ўпершыню ў гісторыі беларускага тэлебачанmня з Лос Анджэлесу будзе весьціся прамая трансьляцыя. Аб гэтым паведамляе БЕЛТА, са спасылкай на прэсавую службу Белтэлерадыёкампаніі.
Прамая трансляцыя на Першым канале адбудзецца 8 сакавіка. Пачынаючы з 3.30 тэлегледачы змогуць глядзець усю цырымонію ад пачатку да канца. Для тых, хто ня зможа паглядзець "Оскар-2010" уначы, у вечаровым эфіры 8-га сакавіка будзе паказана тэлевэрсія шоў.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
