Паніхіда па Ірыне Казулінай пройдзе 26 сакавіка ў Чырвоным касцёле а 19‑й гадзіне. Аб гэтым БелаПАН паведаміў экс‑адвакат Аляксандра Казуліна намеснік старшыні Беларускай сацыял‑дэмакратычнай партыі (Грамада) Ігар Рынкевіч.
Паводле яго слоў, згодна з каталіцкімі канонамі паніхіда павінна была адбыцца праз 30 дзён пасля смерці І.Казулінай.
«Аднак 30 дзён выпалі акурат на каталіцкі Вялікдзень — 23 сакавіка. Таму было вырашана перанесці паніхіду», — зазначыў І.Рынкевіч.
Палітык прапанаваў усім, хто ўдзельнічаў у пахаванні І.Казулінай, прыйсці на паніхіду і ўшанаваць яе памяць.
«Яна была не толькі жонкай экс‑кандыдата ў прэзідэнты, не толькі жонкай палітычнага вязня № 1, але і жанчынай, якая адчайна змагалася з ракам, пры гэтым дапамагаючы іншым анкалагічным хворым», — зазначыў І.Рынкевіч.
БелаПАН
Навіна прадстаўленая
інфармацыйна-прававым парталам "За Свабоду".net паводле: Наша Ніва.
Дадаць каментар
