У аўторак, на Дзень Волі, на сайце www.nn.by онлайн з а. Аляксандрам Надсанам (Лёндан). Онлайн-канфэрэнцыя будзе адбывацца з 12:00 да 13:00.
Пытаньні можна задаваць праз акенца на сайце.
***
Айцец Аляксандар Надсан (да эміграцыі: Бочка) нарадзіўся 8 жніўня 1926 г. у Гарадзеі (сёньня Нясьвіскі р-н). Вучыўся ў Нясьвіскай настаўніцкай сэмінарыі. У чэрвені 1944 г. -- курсант Менскай афіцэрскай школы БКА. З канца чэрвеня 1944 г. на эміграцыі. З восені 1944 г. – у польскай Арміі Андэрса, што ваявала ў складзе брытанскіх узброеных сіл. Браў удзел у баявых дзеяньнях на поўначы Італіі, быў паранены.
Ад 1946 г. — у Вялікабрытаніі. Скончыў матэматычны факультэт Лёнданскага ўнівэрсытэту. Адзін з заснавальнікаў Згуртаваньня беларусаў у Вялікабрытаніі, яго старшыня ў 1951—1953 гг. Рэдагаваў часопісы "Беларус на чужыне" і "На шляху", браў удзел у працы Беларускага хрысьціянскага акадэмічнага аб’еднаньня "Рунь" і Беларускага народна-незалежніцкага хрысьціянскага Руху.
З восені 1953 г. навучаўся ў Рыме, у Грэцкай Калегіі (духоўнай сэмінарыі для каталікоў усходняга абраду). 23 лістапада 1958 г. высьвячаны на сьвятара.
У ліпені 1959 г. вярнуўся ў Лёндан. Наведваў беларускія асяродкі на брытанскіх выспах, ад 1961 г. — кіраўнік беларускай школы імя Кірылы Тураўскага ў Лёндане.
Ад 1971 г. — кіраўнік Беларускай бібліятэкі-музэя імя Ф. Скарыны, а ад 1981 г. — кіраўнік Беларускай Каталіцкай Місіі ў Вялікабрытаніі. З канца 1980-х — апостальскі візытатар для беларусаў-каталікоў у замежжы, кіраўнік Камітэту дапамогі ахвярам радыяцыі, аўтар некалькіх кніг па гісторыі Беларусі.
Навіна прадстаўленая
інфармацыйна-прававым парталам "За Свабоду".net паводле: Наша Ніва.
Дадаць каментар
