Яна вярталася з суду над Касяй Салаўёвай.
Дзяўчына села ў аўтамабіль разам з Дзянісам Садоўскім, Валерам Мацкевічам, Аляксеем Шэіным, сп. Сітнікам, каб ехаць у Менск.
На выезьдзе з гораду аўтамабіль затрымалі і "папрасілі" вярнуцца для высьвятленьня акалічнасьцяў.
Перад будынкам ГУУС міліцыянты папрасілі выйсьці з машыны адну Людвісю Атакулаву: "Дзевушка, у нас к вам многа вапросаў" -- і завялі ў пастарунак.
Да астатніх "вапросаў" не было.
***
На ноч Людвісю Атакулаву пакідаюць ў Полацкім ізалятары часовага затрыманьня. Заўтра а 9.30 -- суд. Дзяўчыну абвінавачваюць паводле 23.34 Кодэксу аб адміністрацыйных парушэньнях (парушэньне парадку арганізацыі або правядзеньня масавага мерапрыемства або пікетаваньня).
Людвіся Атакулава навучаецца ў Беларускім дзяржаўным эканамічным унівэрсытэце. Апошні раз яе затрымлівалі 16 студзеня, падчас акцыі салідарнасьці з палітвязьнямі і прадпрымальнікамі. Тады дзяўчыну кіраўніцтва "наргасу" папярэдзіла, што Людвіся вучыцца да першага затрыманьня.
Навіна прадстаўленая
інфармацыйна-прававым парталам "За Свабоду".net паводле: Наша Ніва.
Дадаць каментар
