аўтар Радыё Свабода
Беларуская міліцыя плянуе шырока адзначыць прафэсійнае сьвята. Кіраўнікі дэлегацый пачалі зьяжджацца ў Менск за дзень да сьвяткаваньня 4 сакавіка, з-за чаго абапал дарогаў дысьлякаваная падвышаная колькасьць шараговых міліцыянтаў, якіх сьвята, мяркуючы па ўсім, абміне.
Сёньня для ўдзелу ва ўрачыстасьцях у Менск прыбыў міністар унутраных спраў Расеі
Рашыд Нургаліеў. Нургаліеў мае сустрэцца са сваім беларускім калегам
Анатолем Куляшовым, пасьля чаго згуляе ў хакей ў спартовым комплексе ў Раўбічах.
Ва ўпраўленьні інфармацыі і грамадзкіх сувязяў МУС Беларусі таксама ўдакладнілі, што дзеля ўдзелу ў Дні беларускай міліцыі ў Менск прыедуць госьці з Украіны, Малдовы, Літвы, Латвіі ды іншых краінаў.
Дарэчы, цяпер беларуская міліцыя кінута перадусім на барацьбу з несанкцыянаваным расьпіцьцём алькагольных напояў у грамадзкіх месцах. Толькі ў Менску, пачынаючы ад 23 лютага, складзена каля 350 пратаколаў, у выніку чаго парушальнікі мусяць заплаціць немалыя штрафы — ад 280 да 500 тысяч рублёў кожны.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
