Сёньня ў Менск прыбыў павераны ў справах Эўракамісіі ў Беларусі Жан-Эрык Хольцапфэль.
Паводле кіраўніка менскага офісу ТАСІС Яніса Айзсалніекса, бліжэйшымі днямі спадар Хольцапфель будзе займацца вырашэньнем тэхнічных пытаньняў.
Нагадаем, яшчэ ў 2005 годзе Эўракамісія зрабіла запыт аб адкрыцьці свайго прадстаўніцтва ў Менску. Пагадненьне зь беларускім урадам аб адкрыцьці прадстаўніцтва Эўракамісіі было падпісана 7 сакавіка 2008 года ў Брусэлі. Яго кіраўніком прызначаны спадар Хольцапфэль.
Раней спадар Хольцапфэль сказаў, што функцыі прадстаўніцтва ў Менску ня будуць адрозьнівацца ад функцый аналягічных місій у 118 краінах.
Алесь Дашчынскі,
Навіна прадстаўленая
інфармацыйна-прававым парталам "За Свабоду".net паводле: Наша Ніва.
Дадаць каментар
