аўтар Радыё Свабода
Таганскі суд Масквы прызнаў вінаватымі арганізатараў выставы "Забароненае мастацтва" - былога дырэктара музэю імя Сахарава Юрыя Самадурава і былога загадчыка аддзелу найноўшых плыняў Трацьцякоўскай галерэі Андрэя Ерафеева.
Іх абвінавачваюць у распальваньні рэлігійнай варажнечы і нянавісьці. Дзяржаўнае абвінавачаньне патрабуе прысудзіць Самадурава і Ерафеева да трох гадоў пазбаўленьня волі з адбываньнем тэрміну ў калёніі-пасяленьні. Самі абвінавачаныя і іх абарона мяркуюць, што прысуд павінен быць апраўдальным.
У 2006 годзе ў экспазіцыі былі сабраныя работы, зьнятыя з выставаў паводле цэнзурных меркаваньняў. Справа была заведзеная паводле скаргі нацыяналістычнай праваслаўнай арганізацыі “Народны сабор”, якую сярод іншага абурыла карціна, на якой Ісус намаляваны з галавой Мікі Маўса.
Абвяшчэньне судовага прысуду працягваецца.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
