аўтар Ян Максімюк
Апошняя вестка з Эўрапарлямэнту наконт фармаваньня парлямэнцкай структуры праграмы Эўразьвязу "Ўсходняга партнэрства" — Эўранэсту — такая: ад Беларусі ў Эўранэст увойдуць 10 прадстаўнікоў з апазыцыйных партый і недзяржаўных арганізацый. Гэтае рашэньне 10 сакавіка пацьвердзіла Дэлегацыя Эўрапарлямэнту для фармаваньня парлямэнцкай асамблеі Эўранэст.
Гэтае рашэньне павінна быць зацьверджана Канфэрэнцыяй старшыняў Эўрапарлямэнту, якую складаюць старшыня Эўрапарлямэнту і старшыні палітычных групаў (фракцый) Эўрапарлямэнту.
Сёньня эўрадэпутат
Яцэк Сарыюш-Вольскі, намесьнік кіраўніка Дэлегацыі Эўрапарлямэнту для фармаваньня парлямэнцкай асамблеі Эўранэст, сказаў нашаму радыё, што Канфэрэнцыя старшыняў Эўрапарлямэнту адклала рашэньне ў справе беларускага прадстаўніцтва ў Эўранэсьце яшчэ на месяц. Перамовы наконт гэтага прадстаўніцтва будуць працягвацца, дадаў Сарыюш-Вольскі, не ўдакладняючы, якія бакі будуць браць удзел у іх.
Эўрадэпутат Сарыш-Вольскі выказаў дапушчэньне, што адклад рашэньня Брусэлю адносна беларускага прадстаўніцтва ў Эўранэсьце зьвязаны зь лістом ад парлямэнтаў зь пяці іншых краін-удзельнікаў Усходняга партнэрства, у якім рабіўся заклік да Эўрапарлямэнту запрасіць у Эўранэст дэпутатаў Палаты прадстаўнікоў Беларусі.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
