аўтар Радыё Свабода
Кіраўнік Беларусі Аляксандр Лукашэнка лічыць неабходным разгледзець магчымасьць стварэньня сыстэмы маніторынгу грамадзкай бясьпекі. Лукашэнку цытуе “Интерфакс-Запад”.
"Задача заключаецца ў тым, каб органы сыстэмы бясьпекі мелі больш апэратыўную інфармацыю і прымалі эфэктыўныя меры як па зьніжэньні аварыйнасьці на дарогах, парушэньняў правапарадку, так і па паляпшэньні міжведамаснай каардынацыі дзеяньняў у сфэры абароны ад надзвычайных сытуацый і іншых нэгатыўных праяваў", – адзначыў А.Лукашэнка ў аўторак на нарадзе ў пытаньнях стварэньня сыстэмы маніторынгу грамадзкай бясьпекі.
Лукашэнка сказаў, што праца ў гэтым кірунку чакаецца паэтапная. Яна будзе ўключаць у сябе рэалізацыю канкрэтных інвэстыцыйных праектаў лякальнага і агульнарэспубліканскага маштабу.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
