аўтар Алег Грузьдзіловіч
Расьсьледаваньне справы актвіста "Гавары праўду" Міхася Башыру могуць cкончыць 30 жніўня.Пра гэта "Свабодзе" паведаміла адвакат Тамара
Сідарэнка са спасылкай на сьледчую Савецкага РАУС Менска.
Міхась
Башура абвінавачаны ў паўторнай падробцы дакумэнтаў. Гаворка пра даведку аб прыбытках, якую спадар
Башура 2 гады таму прадставіў у банк, каб атрымаць крэдыт.
За гэта
Башуру пагражае 3 гады зьняволеньня, альбо грашовы штраф ці 5 гадоў абмежаваньня волі. Актывіст "Гавары праўду" не прызнае сябе вінаватым і тлумачыць усё памылкай пры разьліках прыбыткаў.
Міхася
Башуру затрымалі 6 жніўня і спачатку ўтрымлівалі ў менскім ізалятары на Акрэсьціна, а ў сярэдзіне жніўня перавялі ў Жодзінскі сьледчы ізалятар.
Пра ўмовы ўтрыманьня і самаадчуваньне Башуры нічога невядома. Адвакат разьлічвае наведаць падабароннага ў пачатку будучага тыдня.
"26 жніўня магчыма адбудзецца разгляд у судзе маёй скаргі на тое, што Башуру не зьнямілі меры стрыманьня. А тут яшчэ сьледзтва па справе абяцаюць завершыць на пачатку наступнага тыдня, таму, хутчэй за ўсё, паеду да яго 30-га", -- заявіла адвакат Тамара
Сідарэнка.
У кампаніі "Гавары праўду" тлумачаць перасьлед Міхася
Башуры ды іншых актывістаў палітычнымі прычынамі.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
