“Рэпартэры бязь межаў” асуджаюць гвалт беларускіх уладаў супраць журналістаў

аўтар Алена Струвэ
Міжнародная праваабарончая арганізацыя «Рэпартэры бязь межаў» супраць чарговай эскаляцыі гвалту беларускіх уладаў у дачыненьні да незалежных беларускіх журналістаў.

У сувязі з рэйдамі людзей у масках у рэдакцыі газэты «Народная воля» і вэб-сайту «Хартыя-97», а таксама з ператрусамі на кватэрах Натальлі Радзінай, якую пры гэтым зьбілі, Марыны Коктыш, Ірыны Халіп, «Рэпартэры бязь межаў» зрабілі наступную заяву:

«Няма ніякіх падстаў для падобных жорсткіх рэйдаў, якія супярэчаць Канстытуцыі Беларусі. Гэтыя журналісты проста робяць сваю справу і не павінны лічыцца правапарушальнікамі за тое, што робяць здабыткам публічнасьці справы, нязручныя для паліцыі і ўраду».

Як адзначана ў заяве «Рэпартэраў бязь межаў», рэйды супраць журналістаў былі зьвязаныя з так званай «паляўнічай справай», у выніку якой трох афіцэраў МУС у Гомелі асудзілі на некалькі гадоў пазбаўленьня волі ў сувязі з абвінавачаньнем у злоўжываньні ўладай і шантажаваньні супрацоўнікаў КДБ.

Навіна прадстаўленая інфармацыйна-прававым парталам "За Свабоду".net паводле: Радыё Свабода.