аўтар Радыё Свабода
10 жніўня пайшоў з жыцьця фатограф і пісьменьнік, дзяяч народнага мастацтва Вячаслаў Дубінка.
Нарадзіўся Вячаслаў Дубінка 17 сьнежня 1941 года. У 60-х гадах працаваў фотакарэспандэнтам любаньскай, салігорскай і лагойскай раёнак. Пасьля была праца ў газэтах «Звязда», «Чырвоная змена», у студыі «Фота і жыцьцё» Саюза журналістаў Беларусі, у рэстаўрацыйнай майстэрні Міністэрства культуры. З 1981 года — у часопісе «Беларусь».
Вячаслаў Дубінка быў сябрам Саюза беларускіх пісьменьнікаў і Саюза мастакоў Беларусі. Ён аўтар фотаальбомаў, кніг публіцыстыкі і прозы. Вячаслаў Дубінка адрадзіў на Беларусі мастацтва выцінанкі. Таленавіты майстра называў свой улюбёны занятак выразаньнем казак.
У сваім апошнім інтэрвію ў траўні гэтага года Вячаслаў Андрэевіч гаварыў пра тое, як шкадуе аб тым, што ў маладосьці шмат растраціў жыцьцёвага запалу.
“Хоць ты пачні жыцьцё спачатку. Але цягнік пагнаў за небакрай”—цытуе яго слуцкая газэта .
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
