аўтар Радыё Свабода
У Чылі адбыўся самы моцны за апошнія 50 гадоў землятрус, сіла якога дасягала 8,8 бала.
Пацярпелі цэнтральныя раёны краіны. Паводле ўрада краіны, пакуль вядома, што загінула 120 чалавек. Але лік ахвяр стала расьце. Некалькі гарадоў разбураныя. Абвешчана пра пагрозу цунамі.
Эпіцэнтр землятрусу, які ацэньваецца ў 8,8 бала паводле шкалы Рыхтэра, знаходзіўся за 300 кілямэтраў на паўднёвы захад ад сталіцы краіны Санцьяга.
У сталіцы загінула 13 чалавек і разбураныя будынкі, у прыватнасці двухпавярховая аўтастаянка.
Разбурэнні ў міжнародным аэрапорце Санцьяга прывялі да таго, што ён не будзе працаваць мінімум на працягу трох дзён.
Няма тэлефоннай сувязі і перарвана электразабеспячэньне, у выніку чаго зараз цяжка ацаніць прычыненую шкоду.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
