10.04.2008 17:13
Сёлета – 20 гадоў адкрыцьцю Курапатаў. 3 чэрвеня 1988 году Зянон Пазьняк і Яўген Шмыгалёў апублікавалі ў “ЛіМе” артыкул “Курапаты. Дарога сьмерці” пра месца масавых расстрэлаў НКВД у 1937–1941 гадах.
Вы зрабілі здымак на першым мітынгу ва ўрочышчы? Ваша камэра зафіксавала, як несьлі “Крыж пакутаў”? Вы здымалі, калі бульдозэры валілі курапацкія крыжы? Вы з фотаапаратам ішлі на Дзяды?
Дзяды-1989. Усталяваньне і асьвячэньне крыжа “Пакутнікам Беларусі” (з архіву З.Пазьняка)
Успомнім Курапаты разам.Ахвяры Курапатаў (з архіву З.Пазьняка)
Грамадзкі рэдактар праекту – Зянон Пазьняк:На Дзяды ў Курапатах, 1989
“Калі я думаю пра мінулы час, шмат якія падзеі здаюцца мне наканаваньнем лёсу – гэтак яны ўвайшлі ў маё жыцьцё, што сталі нібыта часткай натуры. І сярод гэтых падзеяў спачатку былі Курапаты. Відаць, трэба было, каб паднялася і аджыла справядлівасьць, і не павінна была забыцца нявінна пралітая кроў.
Які гэта моцны сымбаль – кроў – і якая магутная існасьць.
Нявінная кроў Ісуса Хрыста адрадзіла духоўна Эўропу. Нявінная кроў забітых у Курапатах абудзіла да змаганьня наш пакутлівы і літасьцівы, наш вялікі беларускі народ”.
Старыя здымкі можна сасканаваць альбо даслаць па пошце.п/с 111, Менск, 220005
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
