Міністэрства замежных справаў Польшчы настойвае на тым, каб Польскі дом быў перададзены неафіцыйнаму Саюзу палякаў у Беларусі.
Пра гэта заявіў у сойме прадстаўнік знешнепалітычнага ведамства Польшчы Ян Баркоўскі.
«Нашыя ўмовы, якія высоўваюцца ўладам Беларусі, прадугледжваюць вяртанне ўласнасці польскай меншасці, як гэта было да перыяду напружанасці, які распачаўся ў апошнія тыдні», - адзначыў Ян Борковский.
Пры гэтым ён дадаў, што Варшава разлічвае на правядзенне перамоваў, якія прывялі б да перадачы Саюзу палякаў у Беларусі на чале з Анжалікай Борыс польскіх дамоў, «якія былі страчаныя і не служаць справе польскай меншасці», прыводзіць словы польскага дыпламата.
У цяперашні час, заявіў Ян Баркоўскі, паміж Беларуссю і іншымі еўрапейскімі краінамі ідзе «прагматычнае эканамічнае супрацоўніцтва, якое не лічыцца з тымі катэгорыямі, якія для Польшчы надзвычай важныя».
На гэтым тыдні суд Валожынскага раёна прыняў рашэнне аб перадачы Польскага дома ў Івянцы праўладнаму Саюзу палякаў на Беларусі. У той жа час польскія ўлады настойваюць на тым, каб Польскі дом быў перададзены неафіцыйнаму Саюзу палякаў у Беларусі на чале з Анжалікай Борыс. Варшава лічыць, што беларускія ўлады ў 2005 годзе арганізавалі раскол польскай меншасці (на два Саюзы палякаў), каб стварыць лаяльную сабе польскую арганізацыю.
Навіна прадстаўленая
інфармацыйна-прававым парталам "За Свабоду".net паводле: Хартыя'97.
Дадаць каментар
