Мілінкевіч і Кастусёў заяўляюць пра небяспеку страты суверэнітэту

Прэтэндэнты на пасаду прэзідэнта Беларусі Аляксандр Мілінкевіч і Рыгор Кастусёў заяўляюць пра небяспеку страты дзяржаўнага суверэнітэту Беларусі.

«Безадказныя і антыдэмакратычныя дзеянні ўлад не толькі перашкаджаюць збліжэнню Беларусі з аб’яднанай Еўропай, але і ствараюць небяспеку страты дзяржаўнай незалежнасці», — гаворыцца ў сумеснай заяве палітыкаў, прымеркаванай да гадавіны надання Вярхоўным Саветам моцы канстытуцыйнага закона Дэкларацыі аб дзяржаўным суверэнітэце Рэспублікі Беларусь (25 жніўня 1991 года).

У заяве зазначаецца, што «многія з палажэнняў Дэкларацыі так і не былі ўвасоблены ў рэальным жыцці». «З 1994 года ў Беларусі пабудавана аўтарытарная мадэль дзяржавы, якая парушае правы і свабоды беларусаў, грэбуе народным волевыяўленнем і ўсяляк стрымлівае развіццё дэмакратычнай грамадзянскай супольнасці», — заяўляюць апазіцыйныя палітыкі.

Разам з тым, падкрэсліваюць Мілінкевіч і Кастусёў, «сучасная суверэнная еўрапейская дзяржава — гэта дэмакратычная дзяржава, у якой улада ажыццяўляецца народам, а не ўзнесеным над усімі дыктатарам». «Такая дзяржава бярэ ўдзел у агульнаеўрапейскіх ініцыятывах, што будуюцца на прынцыпах павагі правоў чалавека і дэмакратычных свабод», — гаворыцца ў заяве.

«Шлях да сапраўднай незалежнасці і дэмакратыі ў Беларусі — гэта шлях у аб’яднаную Еўропу. Незалежнасць Беларусі, пабудова дэмакратыі і еўрапейскі кірунак развіцця нашай краіны — узаемазвязаныя каштоўнасці», — падкрэсліваюць намеснік старшыні Партыі БНФ Рыгор Кастусёў і лідэр руху «За Свабоду» Аляксандр Мілінкевіч.

Падзяліцца навіной:          8 каментароў       Алеся* напiсаў(ла) Жнiвень 25, 2010 у 14:26 Кастусёў і Мілінкевіч - адзіныя адказныя палітыкі, каторых варта падтрымліваць падчас прэзыдэнцкай кампаніі. Зьміцер напiсаў(ла) Жнiвень 25, 2010 у 15:16 Цікава разгортваюцца падзеі: круці - не круці, а Мілінкевіч і БНФ імкнуцца гнуць сваю нацыяналістычную лінію разам. БХД пайшло сваім крыжовым шляхам, а ўсе астатнія паклаліся пад Някляева.

Мілінкевіч больш моцны з усіх нацдэмаў, Янукевіч гэта разумее і таму сам не палез на выбары. Але нават за Кастусёва БНФ подпісы зьбярэ, а як пасьля яны будуць з Мілінкевічам (калі абодвух зарэгіструюць) - ключавое пытаньне. Разам яны могуць паламаць сцэнар і Лукашэнку, і Някляеву. мазырчук напiсаў(ла) Жнiвень 25, 2010 у 15:18 Рацыя-100%! дуч напiсаў(ла) Жнiвень 25, 2010 у 15:35 Чувствуется - выборы скоро, - надо хоть что-то говорить. aleks_nesterow напiсаў(ла) Жнiвень 25, 2010 у 16:07 Чо-т не ндравіцца мне ўсё гэта. Размовы аб сувэрэнітэце вельмі на руку Лукашэнку. Зь іншага боку: ну, страцім. Што з таго? Нібыта ў нас тут зараз ахвігець якая беларуская дзяржава. Няма чаго губляць. Алігархі зьменяцца, народ працягне жабрачыць. Хай грызуцца. zmit напiсаў(ла) Жнiвень 25, 2010 у 16:57 А чаму б ім не заявіць пра тое, што бюракратыя ў пед- і медсферы вырасла ў дзесяткі разоў; што людзі не могуць нармальна працаваць і жыць за паперкамі; што малады выкладчык і настаўнік атрымлівае пару сот баксаў; што праверкі душаць бізнэс і г.д. Гэта тое, што людзей хвалюе. А то гэту завучаную мантру ўжо столькі гадоў слухаць усім надакучыла. Заявамі нежалезнасць не абароніш. Прыдзі да ўлады - будзеш абараняць. Каб прыйсці - трэба быць бліжэй да жыцця, да рэальных праблем, якія хвалююць людзей. Кейстут напiсаў(ла) Жнiвень 25, 2010 у 17:07 aleks_nesterow напiсаў(ла)
Жнiвень 25, 2010 у 16:07
Чо-т не ндравіцца мне ўсё гэта. Размовы аб сувэрэнітэце вельмі на руку Лукашэнку. Зь іншага боку: ну, страцім. Што з таго? Нібыта ў нас тут зараз ахвігець якая беларуская дзяржава. Няма чаго губляць. Алігархі зьменяцца, народ працягне жабрачыць. Хай грызуцца.
=========
Я х..ю, дарагая рэдакцыя! Барцуны з Лукашэнкам ужо ў адкрытую не саромеюцца казаць, што чхаць яны хацелі на незалежнасць Беларусі. Дажыліся.. Кот, вы таксама такой пазіцыі прытрымліваецеся? Беспартыйны напiсаў(ла) Жнiвень 25, 2010 у 17:43 Новае кіраўніцтва БНФ разгарнула нейкую пісьменніцкую актыўнасць - што ні дзень - то заявы, адозвы ці ўхвалы. Адчуваецца, што нацыяналістам хочацца пераўтварыцца з "пехоты" у сапраўдных суб'ектаў палітыкі. Але для гэтага мала заяваў, да і самога вылучэння Кастусёва замала. Трэба прапанаваць сваю ўласную стратэгію перамогі. Тады хаця б будзе зразумела навошта сто тысяч тыя збіраць.         Дадаць каментар (прэмадэрацыя)

Націсканьне кнопкі «Дадаць каментар» азначае згоду з .

Спам-фільтар: увядзіце ўсе лікі без прабелаў (напр. 15091974), каб даслаць каментар.

Iмя *запомніць мяне восем дзевятнаццаць пятнаццаць дзевяць адзін *Апошнія ў рубрыцы

Навіны днядапоўнена | галоўнаевідэа на сайцефотарэпартажыСамае чытанае

Рэдакцыя рэкамендуе

Апошнія абмеркаванні

Жнiвень 2010г.