У Мінгарвыканкам пададзена заяўка на правядзенне 1 мая святочнага мерапрыемства. Пра гэта БелаПАН паведаміла сакратар Цэнтральнага камітэта Партыі камуністаў Беларускай (ПКБ) Алена Скрыган.
Паводле яе слоў, заяўка, якая была перададзена ў Мінгарвыканкам 11 красавіка, падпісана лідэрам ПКБ Сяргеем Калякіным. Арганізатары мерапрыемства плануюць правесці мітынг у сталічным парку імя 50‑годдзя Кастрычніка. Там жа адбудзецца прэзентацыя газеты «Товарищ» і культурна‑забаўляльныя мерапрыемствы.
«Мы не падавалі заяўку на правядзенне шэсця, бо разумелі, што яго дазволяць правесці толькі да плошчы Бангалор. Акрамя таго, мы маем вопыт правядзення мерапрыемстваў у парку імя 50‑годдзя Кастрычніка. Менавіта таму і спыніліся на гэтым фармаце правядзення святочнага мерапрыемства», — паведаміла А.Скрыган.
Навіна прадстаўленая
інфармацыйна-прававым парталам "За Свабоду".net паводле: Наша Ніва.
Дадаць каментар
