аўтар Алег Грузьдзіловіч
Напярэдадні зьнікненьня былога кіраўніка гарадзенскай міліцыі Генадзя Хацько на яго была заведзеная крымінальная справа, у якой фігуруе катэдж, пабудаваны праз злоўжываньні службовым становішчам.
Гэта паведаміў на прэсавай канфэрэнцыі першы намесьнік міністра ўнутраных спраў
Алег Пякарскі. Паводле Алега Пякарскага, з заявай пра зьнікненьне мужа ў міліцыю зьвярнулася жонка генэрала. «Вядома, што перад гэтым ён быў у дрэнным настроі. А куды зьнік, ня ведаем. Не выключаем варыянту, што яго няма ў краіне. Зараз вядзецца комплекс мерапрыемстваў па ягоным пошуку. Генэрал Хацько шмат зрабіў для краіны, для міліцыі, але, відаць, дазволіў сабе і тое, што нельга было дазваляць», — сказаў Алег Пякарскі.
Падрабязнасьці з прэсавай канфэрэнцыі першага намесьніка міністра ўнутраных спраў Алега Пякарскага — пазьней у эфіры і на сайце.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
