аўтар Алег Грузьдзіловіч
Чыноўнікі Менгарвыканкаму прынялі 105 тысяч подпісаў пад патрабаваньнем перайменаваць адну з вуліц Менску ў гонар Васіля Быкава.У лідэра кампаніі "Гавары праўду"
Ўладзімера Някляева ў прыёмнай Менгарвыканкаму прынялі 5 тысяч арыгінальных подпісаў. Адразу пасьля гэтага чыноўнікі прынялі яшчэ 100 тысяч копіяў подпісаў — сканаваных і скапіяваных з арыгіналаў.
Подпісы прымаў намесьнік начальніка адзьдзелу лістоў
Андрэй Серы.
9 ліпеня падчас ператрусу ў аўтамабілі актывіста кампаніі "Гавары праўду" Міхася Башуры міліцыянты канфіскавалі аркушы з 20 тысячамі подпісаў. Апячатаная машына знаходзілася ў двары Савецкага РУУС Менску ад 3 ліпеня. Туды яе прыгналі зь месца паркоўкі супрацоўнікі міліцыі.
Раней невядомыя абрабавалі кватэру, у якой актывісты "Гавары праўду" захоўвалі больш як 50 тысяч подпісаў пад просьбай перайменаваць адну з вуліц Менску ў гонар Васіля Быкава. Нічога больш з кватэры ня зьнікла.
18 траўня ў часе ператрусу ў офісе кампаніі супрацоўнікі спэцслужбаў сканфіскавалі 10 тысяч подпісаў.
Падрабязнасьці — пазьней на нашым сайце
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
