Браты Скрабцы, а таксама Тацяна Ваніна ўзялі ўдзел у кароткачасовай акцыі пратэсту на Кастрычніцкай плошчы. Актывісты выйшлі з пллякатамі "Абвяшчаю галадоўку", зь якімі прастаялі пару хвілін. Пасьля падышлі міліцыянты, якія сказалі, што галадоўкі дрэнна адбіваюцца на здароўі. Пасьля гэтага акцыя пратэсту скончылася.
Сёньня а 18-й дэмакратычныя актывісты меліся выйсьці на Кастрычніцкую плошчу, каб у чарговы раз патрабаваць вызваленьня Аляксандра Казуліна ды іншых палітвязьняў. Асаблівасьцю акцыі ёсьць тое, што ўдзел у ёй павінны былі ўзяць людзі, што днямі распачалі эстафэтную галадоўку.
Ініцыявала акцыю грамадзкая актывістка Тацяна Ваніна. Яна прапанавала прыняць удзел у сымбалічнай галадоўцы кожнаму, хто жадае маральна падтрымаць палітвязьняў. Паводле Т. Ванінай, 20 сакавіка — сымбалічны дзень, бо акурат два гады таму было створанае намётавае мястэчка. І менавіта ў працяг тых падзеяў быў зьняволены А. Казулін.
Удзельнікі эстафэтнай галадоўкі плянуюць выходзіць штодзень а 18-й на Кастрычніцкую плошчу да 25 сакавіка.
Нагадаем, што 10 сакавіка бестэрміновую галадоўку за вызваленьне А. Казуліна пачалі браты Сяргей і Аляксандар Скрабцы. Пазьней да іх далучыліся актывіст Сяргей Галаганюк і былы міліцыянт Алег Алкаеў. Сёньня пачалі галадоўку актывістка Тацяна Ваніна і прадпрымальнік Мікалай Аўтуховіч.
Навіна прадстаўленая
інфармацыйна-прававым парталам "За Свабоду".net паводле: Наша Ніва.
Дадаць каментар
