Эстонскі дыплямат падаў у адстаўку з-за сэксуальнага скандалу

аўтар Алег Грузьдзіловіч Часовы павераны ў справах Эстоніі ў Беларусі Хары Лахтейн падаў у адстаўку пасьля таго, як 20-гадовая жыхарка Менску абвінаваціла дыплямата ў сэксуальных дамаганьнях.

Гэтыя факты пацьвердзіла прэсавы сакратар МЗС Эстоніі Керстці Лука ў адказе на запыт эстонскай газэты “Postimees”. Як стала вядома эстонскім журналістам, 20-гадовая мянчанка даслала ў МЗС Эстоніі ліст з фотаздымкамі, якія даказвалі факт яе сустрэчы з дыпляматам. У лісьце таксама паведамлялася, што нібыта Хары Лахтейн аддзячыў сваёй знаёмай і яе сяброўкам шэнгенскімі візамі.

У консульстве Эстоніі ў Менску адстаўку часовага паверанага Хары Лахтейна не камэнтуюць. "Консульства працягвае працаваць у звычайным парадку", — сказала "Свабодзе" супрацоўніца консульства.

Навіна прадстаўленая інфармацыйна-прававым парталам "За Свабоду".net паводле: Радыё Свабода.