аўтар Радыё Свабода
У 2011-2013 гадах Эўразьвяз прадаставіць сваім суседзям больш за 5,7 мільярда эўра для ўмацаваньня палітычнага супрацоўніцтва і разьвіцьця эканамічнай інтэграцыі, паведамілі агенцтву "Інтэрфакс-Захад" у прадстаўніцтве Эўразьвязу ў Беларусі.
"Новыя рэсурсы будуць выдаткаваныя зь бюджэту Эўрапейскай праграмы партнэрства і добрасуседства. Фінансаваньне будзе таксама накіравана на падтрымку праектаў у сфэрах транспарту, энэргетыкі, аховы навакольнага асяродзьдзя і барацьбы з кліматычнымі зьменамі".
Паводле інфармацыі прадстаўніцтва, "неўзабаве Эўрапейская Камісія таксама разгледзіць яшчэ тры праграмы: спэцыяльную праграму для Беларусі, шматнацыянальную праграму Эўра-Міжземнаморскага партнэрства, а таксама Трансмежаыя апэрацыйныя праграмы".
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
