аўтар Радыё Свабода
Юрыдычны дарадца ўраду Ізраілю Егуда Вайнштэйн адмовіўся распачынаць расьсьледаваньне паводле справы адносна ўцечкі інфармацыі ў СМІ дэталяў сьледзтва супраць колішняга амбасадара ў Беларусі Зэева Бэн-Ар’е, паведамляюць .З падобным патрабаваньнем правесьці расьсьледаваньні супраць міліцыянтаў, якія “зьлілі” ў прэсу падазрэньні пра хаду справы супраць былога ізраільскага амбасадара ў Менску, выступіў кіраўнік МЗС і лідэр партыі “Наш дом Ізраіль”
Авігдор Лібэрман.
Як гаворыцца ў заяве канцылярыі юрыдычнага дарадцы, няма падставаў для распачацьця такога расьсьледаваньня ў сувязі з тым, што заява паліцыі мела афіцыйны, а не інсайдарскі характар.
Нагадаем, што былы ізраільскі амбасадар у Беларусі і да нядаўняга часу кіраўнік дыпляматычнай місіі ў Латвіі Зэеў Бэн-Ар’е быў часова адхілены ад сваёй пасады ў зьвязку з апошнім скандалам вакол яго і міністра Лібэрмана. У часе допыту Бэн-Ар’е быццам бы пацьвердзіў сьледзтву, што ў 2008 ён скапіяваў перададзены ў Менск у ізраільскую амбасаду сакрэтны дакумэнт, прызначаны для беларускіх праваахоўных органаў.
Потым ў кастрычніку таго ж году падчас знаходжаньня ў Менску Авігдора Лібэрмана, чыю зьвязаную з карупцыяй справу цягам амаль дзесяці гадоў расьсьледавала ізраільская пракуратура, ён і перадаў гэтую копію лідэру партыі “Наш дом Ізраіль”.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
