«Форма, па якой мы вызначаем сацыяльна‑значную літаратуру, ‑‑ састарэла», — заявіў кіраўнік праўладнага саюзу пісьменьнікаў Мікалай Чаргінец на паседжаньні прэзыдыюму Савету міністраў пры абмеркаваньні праблемы выданьня сацыяльна‑значнай літаратуры.
Паводле Чаргніца, «група людзей, што негатыўна ставяцца да дзяржавы і ўлады, прапанавала ўнесьці ў пералік сацыяльна‑значнай літаратуры 6‑ці ці 8‑мі томнік Ларысы Геніюш, фашысцкага прыхвастня Арсеньневу, і сямітомнік Законьнікава, у якога і двух тамоў не назьбіраецца».
«Калі толькі ўзяць яго больш 120 публікацый у апазыцыйнай прэсе, скіраваных на падрыў улады, дзяржавы, супраць сацыяльных падвалін дзяржавы», ‑‑ працягнуў ён.
Чаргінец удакладніў, што сьпіс фармуецца Інстытутам літаратуры Нацыянальнай акадэміі навук.
Для зьмяненьня такой сытуацыі пісьменьнік прапанаваў стварыць невялічкую грамадзкую раду, якая вызначыць пералік сацыяльна‑значнай літаратуры, каб людзі на месцы займаліся агітацыяй і прапагандай такой літаратуры». Чаргінец лічыць за неабходнае, прыцягнуць да такой працы саюз пісьменьнікаў.
Навіна прадстаўленая
інфармацыйна-прававым парталам "За Свабоду".net паводле: Наша Ніва.
Дадаць каментар
