«Камерцыйная эксплуатацыя бяздротавага доступу ў Інтэрнэт па тэхналогіі Wi‑Fi можа пачацца ўлетку 2008 г. Пакуль цяжка назваць дакладны месяц, але мы разлічваем, што гэта будзе на пачатку другога паўгоддзя», — заявіў прадстаўнік «Белтэлекаму».
У кампаніі адзначылі, што рашэнне пра пачатак камерцыйнай эксплуатацыі выкліканае ростам попыту. Так, найбольшая колькасць падключэнняў па краіне складае 200 і штотыдзень павялічваецца на 20‑40. Цяпер бяздротавы доступ у Інтэрнэт даецца на некамерцыйнай аснове, у рэжыме доследнай эксплуатацыі. Цяпер у краіне працуе 115 пунктаў Wi‑Fi‑доступу, у тым ліку 77 пунктаў на 46 аб’ектах ‑‑ у Мінску.
«Развіццё Wi‑Fi у райцэнтрах пачнецца толькі разам з камерцыйнай эксплуатацыяй, бо патрэбныя сур’ёзныя інвестыцыі», — сказалі ў «Белтэлекаме», дадаўшы, што кампанія звярнулася ў сертыфікацыйныя органы па дазвол на стварэнне пунктаў доступу ў райцэнтрах.
У панядзелак «Белтэлекам» аднавіў працу ўсіх пунктаў Wi‑Fi у Мінску і падлучыў 5 новых ‑‑ у Беларускім дзяржаўным універсітэце культуры і мастацтва, у клубе «Чыкага», а таксама ў сэрвісных цэнтрах кампаніі.
Тэхналогія Wi‑Fi (Wireless Fidelity) — сучасная бяздротавая тэхналогія аб’яднання камп’ютараў у сетку ці падлучэння іх да Інтэрнэту праз выкарыстанне высокачастотных радыёхваляў.
«Белтэлекам» пачаў эксплуатацыю Wi‑Fi у ліпені 2007 г. ў Мінску, а да канца 2007‑га — і ў абласных гарадах.
Навіна прадстаўленая
інфармацыйна-прававым парталам "За Свабоду".net паводле: Наша Ніва.
Каментары
Дадаць каментар
