аўтар Радыё Свабода
Беларусь у першым паўгодзьдзі гэтага году павялічыла аб'ём паставак нафтапрадуктаў ва Ўкраіну на 35% параўнальна з аналягічным пэрыядам мінулага году. Пастаўкі перавысілі 500 тысяч тон.
Аснову беларускага экспарту склала дызэльнае паліва і аўтабэнзін маркі АІ-92. Таксама на ўкраінскі рынак Беларусь экспартавала аўтабэнзіны марак "Нармаль-80" і АІ-95, перадае "Інтэрфакс".
"Беларуская нафтавая кампанія" пастаўляе ва Ўкраіну ўвесь аб'ём нафтапрадуктаў, якія вырабляюцца з вэнэсуэльскай нафты. Рост экспарту нафтапрадуктаў тлумачыцца "актыўнай збытавай палітыкай" кампаніі.
"Беларуская нафтавая кампанія" мае сваю даччыную збытавую структуру — кампанію "БНК-Украіна".
Апроч таго, пастаўкі рабіла і "Беларуснафта", якая перапрацоўвае на беларускіх НПЗ усю нафту, якая здабываецца ў Беларусі, на ўмовах працэсінгу.
Паводле адмыслоўцаў, украінскі рынак пэрспэктыўны для беларускай нафтаперапрацоўкі, нягледзячы на жорсткую канкурэнцыю ў гэтай сфэры.
"Беларуснафта" адчыніла ва Ўкраіне даччыную кампанію "Беларуснафта-Ўкраіна", якая будзе гандляваць нафтапрадуктамі ў розьніцу і дробным оптам.
Навіна прадстаўленая
інфармацыйна-прававым парталам "За Свабоду".net паводле: Радыё Свабода.
Дадаць каментар
