“Бізнэсоўцы ў турме ў Беларусі”

18.11.2008 12:32

Перад будынкам, дзе праходзіць Беларускі інвэстыцыйны форум, сёньня раздавалі газэту “Звон”.

Такім чынам быў выказаны пратэст супраць правядзеньня гэтага мерапрыемства ў сталіцы Вялікабрытаніі.

“Бізнэсоўцы ў турме ў Беларусі” — назва аднаго з артыкулаў на першай паласе.

У газэце распавядаецца пра заканадаўчы ціск і крымінальны перасьлед прадпрымальнікаў з боку беларускіх уладаў, пра акцыі пратэстаў, якія адбываліся ўзімку, і турэмныя пакараньні для іх удзельнікаў.

Аўтары пішуць пра былых палітзьняволеных Андрэя Кіма і Аляксандра Казуліна, будаўніцтва АЭС у Беларусі, новы і больш жорсткі закон аб СМІ, усеагульны кантроль з боку КДБ — адзінай на постсавецкай прасторы арганізацыі такога кшталту, якая захавала сваю назву пасьля краху камунізму.

 

Навіна прадстаўленая інфармацыйна-прававым парталам "За Свабоду".net паводле: Радыё Свабода.