Сярод затрыманых сустаршыня партыі «Беларуская хрысціянская дэмакратыя» Павал Севярынец і іншыя актывісты апазіцыі.
Сустаршыня аргкамітэта па стварэнні БХД Аляксей Шэін паведаміў , што ў вёсцы Будслаў (Мядзелскі раён Менскай вобласці) затрыманы сустаршыня аргкамітэта па стварэнні партыі «Беларуская хрысціянская дэмакратыя» (БХД) Павал Севярынец.
Па словах Шэіна, Севярынец і яшчэ трое актывістаў БХД былі затрыманыя міліцыяй падчас свята ў гонар абраза Маці Божай Будслаўскай. Падставай для затрымання стала тое, што маладыя людзі мелі пры сабе некалькі дзесяткаў асобнікаў бюлетэня БХД «Крыніца». «Зараз затрыманых дастаўляюць у мясцовы райаддзел. Якія прэтэнзіі да іх прад'яўляюцца, пакуль невядома», — сказаў Шэін.
Нагадаем, што 1 і 2 ліпеня ў Будславе, на Мядзельшчыне, праходзіць фэст у гонар Маці Божай Будслаўскай, Апякункі Беларусі.
Сёлета да абраза Маці Божай Будслаўскай з нагоды свята Найсвяцейшай прыйшлі каля 2,5 тысячаў пешых паломнікаў з Беларусі і замежжа. Усяго ў Будславе ў гэтыя дні сабралася каля 50 тысячаў вернікаў.
Навіна прадстаўленая
інфармацыйна-прававым парталам "За Свабоду".net паводле: Хартыя'97.
Дадаць каментар
