3 сакавіка актывісты «Маладога фронту» вывесілі ў Менску расцяжкі «Свабоду Арцёму Дубскаму!».
Такім чынам, як паведамляе , актывісты адзначылі гадавіну знаходжання палітвязня за кратамі, калі яму прад'явілі абвінавачванне.
Арцёма Дубскага арыштавалі 13 лютага 2009 года на беларуска-украінскай мяжы. Моладзевага актывіста абвінавацілі ў парушэнні адбыцця пакарання па «справе 14-ці» (тады 14 моладзевых актывістаў былі прысуджаныя да абмежавання і пазбаўлення волі за ўдзел у акцыях пратэсту прадпрымальнікаў). Ён мусіў адбываць два гады абмежавання волі ў Асіповічах па месцы прапіскі. Але супраць яго распачалі новую крымінальную справу, і Дубскі з'ехаў ва Украіну.
Асіповіцкі суд прысудзіў Арцёма Дубскага да пазбаўлення волі ў магілёўскай выпраўленчай калоніі. Міжнародная праваабарончая арганізацыя «Amnesty International» ў 2009 годзе прызнала ўдзельнікаў «Працэсу 14-ці» вязнямі сумлення.
Навіна прадстаўленая
інфармацыйна-прававым парталам "За Свабоду".net паводле: Хартыя'97.
Дадаць каментар
