Віцебскі актывіст апазіцыі 47-гадовы Алег Сурган пераведзены для адбыцця пакарання ў выпраўленчую калонію асобага рэжыму № 13 горада Глыбокае Віцебскай вобласці.
Паводле словаў сустаршыні аргкамітэта па стварэнні партыі «Беларуская хрысціянская дэмакратыя» Паўла Севярынца, пра перавод стала вядома сваякам Сургана 2 сакавіка, калі яны прынеслі яму перадачу ў следчы ізалятар № 2 Віцебска, дзе раней знаходзіўся апазіцыянер, перадае .
«Варта адзначыць, што Глыбоцкая калонія асобага рэжыму № 13 лічыцца адным з самых суровых месцаў зняволення ў Беларусі», - дадаў Севярынец.
Нагадаем, 19 лютага суд Кастрычніцкага раёна Віцебска прысудзіў Сургана да шасці месяцаў арышту нібыта за супраціў супрацоўнікам міліцыі і выплаце 2,5 млн. рублёў кампенсацыі маральнай шкоды міліцыянту Сяргею Дудкевічу.
Інцыдэнт, у сувязі з якім прайшло судовае разбіральніцтва, адбыўся 3 верасня 2009 года. Алега Сургана і яго малодшага брата Тараса затрымалі на прыпынку грамадскага транспарту ля Віцебскага медуніверсітэта, на будынку якога ў той момант нехта вывесіў бел-чырвона-белы сцяг.
У пратаколе, складзеным у Кастрычніцкім РУУС Віцебска, Сургана абвінавацілі ў вывешванні сцяга, аднак пазней гэты пратакол некуды знік, а замест яго з'явіўся іншы: нібыта Сурган знаходзіўся ў грамадскім месцы ў п'яным выглядзе, нецэнзурна лаяўся і пры затрыманні укусіў міліцыянта за палец.
Сам Сурган сцвярджае, што ў аддзяленні міліцыі да яго ўжываліся катаванні, што было зафіксавана медыцынскім аглядам.
Навіна прадстаўленая
інфармацыйна-прававым парталам "За Свабоду".net паводле: Хартыя'97.
Дадаць каментар
