Адмоўнае сальда зьнешняга гандлю склала амаль 2,4 мільярды даляраў

аўтар  Радыё Свабода Па выніках студзеня—чэрвеня 2010 года сальда зьнешняга гандлю таварамі і паслугамі па мэтадалёгіі плацёжнага балянсу склалася адмоўнае і дасягнула 2 мільярдаў 390,8 мільёнаў даляраў, паведамляе Нацыянальны статыстычны камітэт.

У студзені—траўні гэты паказчык складаў 1 мільярд 813,9 мільёнаў даляраў, за першае паўгодзьдзе 2009 года — 3 мільярды 301,9 мільёнаў даляраў.

Па мэтадалёгіі гандлёвага балянсу, які ўлічвае зьвесткі Дзяржаўнага мытнага камітэта, у студзені—чэрвені адмоўнае сальда зьнешняга гандлю таварамі сфармавалася ў памеры 3 мільярдаў 510 мільёнаў даляраў (у студзені—чэрвені 2009 года — мінус 3 мільярды 889,2 мільёнаў).

Навіна прадстаўленая інфармацыйна-прававым парталам "За Свабоду".net паводле: Радыё Свабода.